|
چَشياكَت چي تفنگچي/ هي مِيكنن كار
|
مُردهَ نهَ زنهَ كنن / شفا و بيمار
|
|
لوُ غُنچه مييا كليل / ویر سروهاری
|
چی گُلی شکوُفهَ زا / هی چی بهاری
|
|
هَر كُري دِ ايي دُنيا / تو باي و يارش
|
هميشه سيش بهاره / خوش روزگارش
|
|
قَد بلنگ سوُوزه گاو چش / لوُيا دِ خَنَه
|
امروُ و روو ديمِش / حال دِم نَمَنَه
|
|
امروُ مهِ رَم اُفتا / وِ كورنگ مالي
|
سيل كردمِ ديم نشسهَ بي/سووزه شمشالي
|
|
زُلفايش تا سر زوُني / او مي كِرد شوُنهَ
|
يهِ دَسش و آينه / كردمِ ديووُنهَ
|
|
اِ دوُس اِ يهِ چَن سالهَ / هيچ ني دِيارت
|
بي وفائي دِ منهَ / مُردمِ دِ داغت
|
|
وِم گُوتي اَر بَميرمِ / دوُني سي خاكمِ
|
اَر هاستوُومِ شي بَكنمِ / سي تو هلاكمِ
|
|
اِ خدا تو ورداري / رسم چنينهَ
|
غريوه تك نَزنهَ / خودي نينهَ
|
|
چَش ورَت مهِ مَنَمَه / هام سر قوُلمِ
|
اَر بهام دروُ بوُومِ / بيا سر قوُرمِ
|
|
كُجا رَت او روزگار / چي ماس و خرما
|
دَسياموُ دِ گردِن يك / و زير كولا
|
|
سر و ريش اسبیي كردمهِ / دِ داغِ دوُسمِ
|
اِ دوُس بيا بينمِت / مَنَه و پوُسمِ
|
|
اِ دوُس بيا بَگريو / سي حالِ زارمِ
|
تك و تنيا مَنَمَه / بي كَسِوُكارمِ
|
|
هرَ وقتي و گوشمِ يا / نوُمي چي نوُمت
|
سياهي چَشيامِ گيره/ شُك وم ديهَ نومُت
|
|
هَر كَسي ما بين اِیمان / وَن و جداي
|
خير نينهَ دِ عمُرش / رووهَ و خواري
|
|
روز اول خود دِم هاستي/ بوُومِ و يارت
|
تير كاري بَزنيهَ / وُ او بِرارت
|
|
اَ سي چي شي نَكِردي / قوُمِو قبيلَت
|
بَميرم سی او سِکیا / و قَد جلیقَت
|
|
ايي غُرور كه تو داري/ بُردِت و خواري
|
تك وُ تنيا مَنيهَ / هي بَكوُ زاري
|
